Grida Duma: Berisha me futi ne PD

 

Kandidatja demokrate për Durrësin, Grida Duma ka deklaruar se ka qenë ish-kryeministri Sali Berisha ai që e ka futur në Partinë Demokratike.

Gjatë një interviste për “Top Show” në Top Channel, Duma është shprehur se kontakti i parë me ish-kreun e PD-së, ka qenë në një studio televizive, për të vazhduar më pas me mbështetjen e dhënë në karrierën e saj brenda kësaj partie.

 

Duma e ka konsideruar Berishën si mentorin e saj politik, nga i cili merr eksperiencë shumë të vlefshme, ndërsa e ka theksuar se është me fat për arsye se këshillohet nga një person si ish-kryeministri demokrat.

Duma ka mohuar se është surpizuar nga kandidimi i Halim Kosovës në Tiranë, pasi siç u shpreh ajo ka pasur bindje se Kosova ka qenë një prej kandidatëve më të fort që mund të nxirrte PD në kryeqytet.