Grida Duma: Dako, 7 herë i ka braktisur përballjen direkte me mua

Vangjush Dako shmangu përballje direkte me rivalen e tij për bashkinë e Durrësit, Grida Duma, sipas asaj që pretendohet nga  kandidatja e PD –së ndaj edhe kjo e fundit ka refuzuar të përballet në një debat televiziv në TCH me kreun aktual të bashkisë së Durrësit. – “Ishim të ftuar nga kontabilistët e qytetit për të folur dhe përballur vizionin dhe alternativat për Durrësin, por kandidati tjetër braktisi përballjen. Është hera e 7-të që i largohet debatit. Është mësuar vetëm me pyetje dhe përgjigje të parapërgatitura, ndaj edhe ai u largua sapo mora fjalën” shkroi Duman në profilin e saj, Facebook.

Mbrëmjen e shkuar ishte Duma ajo që nuk u paraqit në studion e Alban Dudushit për t’u përballur me Vangjush Dakon. Ajo sqaroi më pas se e kishte lënë vendin bosh për shkak se Dako dhe stafi i emisionit nuk kishin pranuar shfaqjen e disa materialeve filmike që dispononte. Këto materiale që ajo i konsideron si thelbësore në përballjen me kundërshtarin, Duma nuk i ka shfaqur akoma