Grupi PS flet për dhunën ndaj Ballës: Të hetohet Malltezi

Incidenti i deputetit, Taulant Balla me dhëndrin e ish-kryeministrit Berisha ka dominuar diskutimet e sotme në mbledhjen e grupit parlamentar të Partisë Socialiste.

Burime nga mbledhja bëjnë me dije se është kërkuar të mbahet qëndrim ndaj incidentit.

Ndërkohë përmes një deklarate për median deputeti socialist Alfred Peza e quajti akt të pastër politik dhunën e ushtruar ndaj deputetit Taulant Balla dhe bën thirrje prokurorisë dhe policisë të hetojnë në mënyrë të pavarur. Gjithashtu i kërkon Kuvendit të dënojë me ashpërsi këtë akt. Peza përmes një deklarate për median e quajti dhunën ndaj Ballës dhe si goditje ndaj grupit PS për të ulur ritmin e reformave dhe për të frenuar luftën tonë kundër krimit e kriminelëve. Gjithashtu kërkon dhe angazhimin e autoriteteve italiane në hetim

“Dënojmë aktin e rëndë kriminal të Jamabër dhe Argita Malltezit ndaj deputetit tonë Taulant Balla. Është një incident i rëndë i ndodhur në zemër të kryeqytetit dhe dhuna e ushtruar ndaj nënkryetarit të grupit PS është akt i pastër politik për shkak të funksioneve të tij politike dhe për shkak të luftës pa kompromis që kolegu ynë ka mbajtur ndaj korrupsionit e krimit. Goditja është kryer e pabesë dhe në koshiencë të plotë.  Sot i bëjmë thirrje PD-së të dënojë dhe distancohet qartë e prerë nga ky akt i paprecedentë . E konsiderojmë goditje ndaj grupit PS për të ulur ritmin e reformave ku jemi përfshirë dhe për të frenuar luftën tonë kundër krimit e kriminelëve. PS i bën thirrje kuvendit të dënojë me ashpërsi këtë akt kriminal dhe ti bëjë thirrje palës dhunuese ti thërrasë koshiencës poliitke . Grupi parlamentar i bën thirrje Policisë e prokurorisë të angahzohen në një proces hetimor të paanshëm, profesional e të shpejtë në bashkëpunim dhe me autoritetet italiane për të vënë para ligjit dhe ndëshkuar autorët