Halim Kosova i përgjigjet Ramës: Do hamë akullore, nuk ka kafe!

Nuk kanë të sosur batutat mes Edi Ramës dhe Halim Kosovën, ndërsa ftesa për kafe është kthyer në çështjen e ditës. Por ngacmimeve të Ramës, HalimKosova nuk i'a ka lënë mangut, madje ka vijuar batutat se pas kafes ata do të hanë edhe ndonjë akullore. 

Në këtë mënyrë, kandidati i PD për Tiranën, ka vendosur të mos e ftojë më për kafe kryeministrin Rama, por tashmë vjen me një ftesë për akullore. 

Gjatë takimit me banorët e "Misto Mames", Kosova ka thënë se Rama e pranoi kërkesën për kafe. Kandidati i PD shtoi më tej se "pas fitores, nuk do pimë kafe. Do hamë ndonjë akullore apo ndonjë ëmbëlsirë. Se pas fitores, nuk pihet kafe"