Hapet tenderi 11 milion euro për urën e Bahçallëkut deri tek harku i Berdicës, kryebashkiaku Beci: Zgjidh trafikun gjatë sezonit veror

Kryebashkiaku i Shkodrës, Benet Beci ka dhënë lajmin për hapjen e tenderit 11 milion euro për Urën e Bahcallëkut deri tek harku i Berdicës. Në një postim në Facebook, Beci shkruan ndër të tjera se ky investim do të japë një kontribut të rëndësishëm për zgjidhjen e trafikut në hyrje e dalje të Shkdorës gjatë sezonit veror, lidhjen me të shpejtë me Tiranën, Velipojën, Shirokën, Muriqanin dhe Ulqinin. ”Autoriteti Rrugor Shqiptar ka hapur sot garën për ndërtimin e urës dhe segmentit rrugor, fillimi i vitit tjetër na gjen në punë për këtë projekt të rëndësishëm për qytetin dhe gjthë rajonin”,-shkruan Beci.

Postimi i plotë

Në vijim të rikonceptimit të plotë të hyrjes së Shkodrës, qeveria shqiptare ka akorduar në buxhetin e rishikuar të këtij viti rreth 11 milionë euro për dublimin e urës së Bahçallëkut dhe zgjerimin e rrugës nga Ura e Bahçallëkut tek Harku i Bërdicës. Ky investim do të japë një kontribut të rëndësishëm për zgjidhjen e trafikut në hyrje e dalje të Shkdorës gjatë sezonit veror, lidhjen me të shpejtë me Tiranën, Velipojën, Shirokën, Muriqanin dhe Ulqinin.

Autoriteti Rrugor Shqiptar ka hapur sot garën për ndërtimin e urës dhe segmentit rrugor, fillimi i vitit tjetër na gjen në punë për këtë projekt të rëndësishëm për qytetin dhe gjthë rajonin. Një falendërim për bashkëpunimin me Ministrinë e Infrastukturës dhe Energjisë dhe MInistren Belinda Balluku për reagimin shumë të shpejtë për buxhetimin dhe fillimin e procedurave.

Ky është një tjetër premtim që po fillon realizimin brenda një viti po ashtu si parku i hyrjes, rruga e Dukagjinit, asfaltimet e rrugëve në qytet e fshatra dhe një sërë projektesh të tjera që janë zbatuar apo fillojnë së shpejti. Në bashkëpunim me qeverinë shqiptare këto dy vite po investohen mbi 50 mln euro në territorin e bashkisë sonë për një transformim të pashembullt, i cili arrihet vetëm me punë. Ditë shumë të mira po vijnë për Shkodrën, shume shpejt këtë model do ta replikojmë në të gjitha bashkitë e qarkut tone.