Hetimet për personat ”non-grata”/ Kreu i SPAK: Është proces, do kohën e saj

Në seancën e kësaj të hëne në Kuvend po raporton edhe kreu i Prokurorisë së Posaçme kundër Korrupsionit dhe Krimit të Organizuar, Arben Kraja. Pas raportimit të tij në Kuvend për punën e bërë gjatë vitit 2020, ai u është përgjigjur pyetjeve, duke u shprehur se SPAK do kohën e saj për të vepruar lidhur me çështje të caktuara.

Diskutimet

Ralf Gjoni: Para se të largohej Donald Lu nga Shqipëria i kam thënë: Don, shqiptarët duan ”rule of law”, jo ”rule of Lu”. Kjo do të fillojë kur shqiptarët të kenë më shumë besim tek ju sesa ambasada amerikane.

Ruçi: Nuk është etike që zoti Kraja qëndron aty dhe ju kaloni në diskutim.

Ralf Gjoni: Kur do të vijë kjo ditë? Kur do fillojnë që në procedohen peshqit’? Nga e gjithë lista e “non-grata”, përveç Llallës nuk ka hetim për asnjë tjetër. A mund të kemi shpresë se do ndiqet me hetime?

Arben Kraja: Është proces! Do kohën e saj. Ne veprojmë bazuar në prova. Bashkëpunojmë me të gjitha strukturat dhe faktorin ndërkmbëtar. Varet nga ajo që quhet rezultat. Pritshmëritë janë të mëdha. U krijua mendimi se kjo strukturë do i zgjidhë të gjitha dhe kjo e zbehi. Jemi të vendosur që të hetojmë çdo rast. Garantoj se çdo indicie që do kemi për çdo person jemi të vendosur që ta çojmë deri në fund.