Hoffman: Marrëdhëniet Shqipëri-Serbi kanë qenë të vështira. Meta: Duhet bashkëpunim

Ambasadori i Gjermanisë në vendin tonë, Helmut Hoffman ka deklaruar se marrëdhëniet mes Shqipërisë dhe Serbisë kanë qenë shumë të vështira.

Në forumin “Shqipëria dhe Serbia drejt një të ardhme në BE”, Hoffman u shpreh se mirëpresin krijimin e një qendre të përbashkët.

Në këtë forum, ishte i pranishëm edhe kryeparlamentari Ilir Meta, i cili vlerësoi iniciativën e ndërmarrë për zhvillimin e këtij forumi.

“U bënë 16 vite që nuk jemi aty ku duhet në marrëdhëniet mes Shqipërisë dhe Serbisë. Vetëm duke bashkëpunuar mund të krijojmë një mjedis ndryshe”, tha Meta.