Hoffman: Reforma në drejtësi, të miratohet para verës

Ambasadori gjerman në Tiranë, Helmut Hoffman, ka ripërsëritur qëndrimin e ndërkombëtarëve se Shqipëria duhet ta miratojë reformën në drejtësi përpara verës.

Për finalizimin e saj, diplomati tha se nevojitet bashkëpunim mes palëve.

“Reforma në drejtësi ka nevojë për bashkëpunimin e palëve. Është hap i rëndësishëm për hapjen e negociatave në BE”, tha ambasadori.

Deklaratën në fjalë, Hoffman e bëri pas nënshkrimit të marrëveshjes me ministrin e Energjisë dhe Industrisë, Damian Gjiknuri për financimin e fazës së dytë të projektit “Programi për Rinovimin e Konvikteve në Kampusin Universitar të Tiranës sipas parimit të eficencës së energjisë”.