I deleguari i Amerikës, Kasanof takim me Ramën: Mbështetje për çështje kyçe shumëpalëshe

Kryeministri Edi Rama priti në një takim zv/ndihmëssekretarin amerikan të Shtetit, Alexander Kasanof.

Ambasada e SHBA-së në Tiranë bën të ditur se gjatë takimit palët diskutuan mbi partneritetin e fortë SHBA-Shqipëri dhe mbështetjen e Shqipërisë për çështje kyçe shumëpalëshe, duke rikonfirmuar angazhimin e tyre për arritjen e qëllimeve të përbashkëta.

”Ata shqyrtuan përparimin e Shqipërisë drejt integrimit në BE, rëndësinë e transparencës në reformën në drejtësi dhe forcimin e përpjekjeve kundër korrupsionit”, thuhet në një postim të Ambasadës në Facebook.