Idrizi: Përmendja e çështjes çame nga Hahn historike

Duke e konsideruar ngjarje historike deklaratën e komisionerit Johanes Hahn, kreu i Partisë për Drejtësi, Integrim dhe Unitet, shpëtim Idrizi thotë se kjo ka ardhur si pjesë e një lobimi të fuqishëm të qeverisë shqiptare. I ftuar në emisionin “Tonight Ilva Tare”, Idrizi thekson se për herë të parë, Ministria e Jashtme e ka çështjen çame si një ndër prioritetet kryesore.

“Futja e çështjes çame si një nga dy çështjet midis dy vendeve dhe mbi të gjitha përshëndetja që bëri komisioneri Hahn të mekanizmit të propozuar nga qeveria shqiptare për mënyrën e trajtimit të çështjeve të mbetura pezull pa dyshim janë një moment historik, por jo për të qenë euforik. Tani fillon puna e vërtetë. Për herë të parë kemi një qeveri shqiptare që ka çështjen çame në agjendën e saj. Për herë të parë, zt.Bushati, e ka vënë çështjen në një ndër dy-tre prioritetet”- tha Idrizi.

Kreu i PDIU-së mendon se shteti grek kërkon kohën e vet, i cili sipas tij është i vetmi vend që nuk ka pranuar dhe ka përzënë të gjithë minoritetet.