Ilir Meta: Kandidati i PD në Pogradec ka kërkuar të kandidojë për LSI

Ilir Meta ka deklaruar në studion e Tonight Ilva Tare në Ora News se kandidati i PD në Pogradec ka kërkuar që të garojë nën siglën e LSI.

“Në këtë paqartësi që opozita është, po përpiqet të sajojë gjëra të paqena siç ishte rasti më i freskët që kandidatit të PD në Pogradec  i paskan cuar një sms kërcënues.

Unë sapo e mora vesh bëra një deklaratë duke kërkuar që të hetohet kjo gjë dhe Basha shkoi në Pogradec dhe thaë që këto gjëra i bën LSI, kur e di shumë mirë ai se kandidati ka shkuar  me PD-në para dy muaj se ka qenë socialdemokrat.

Përpara se të shkonte aty, ka ardhur edhe tek mua me të gjitha mënyrat, por ne kishim Diana Milen. E përmenda këtë rast për të thënë se fitorja jonë në Pogradec është mbi 80%.

Ne i urojmë suksese kandidatit të PD, unë i kam kërkuar Tahirit që të hetojë.

Ose marrim një rast tjetër. Vëllai i kandidatit të PD në Vaun e Dejës, z. Zef Hila kishte pasur një konflikt me policinë dhe gjoja kjo ishte e nxitur nga mazhoranca.

Ndërkohë që për këtë rast edhe pse prokuroria nuk i verifikoi këto pretendime, u morën masa.

Këto janë gjëra të vogla që nuk kanë lidhje me klimën politike dhe elektorale”, theksoi Meta.