Ilir Meta: Të dëgjohet kërkesa e 47 deputetëve për të pasur bashkëkryetarin në komisionin e Reformës Zgjedhore

Kreu i Partisë së Lirisë, Ilir Meta, ka reaguar lidhur me bllokimin e mbledhje së komisionit për Reformën Zgjedhore që më pas u detyrua të vijojë punimet online.

Meta akuzoi qeverinë për këtë bllokim dhe solli në vëmendje letrën e 47 deputetëve të opozitës ndaj kryeparlamentares Lindita Nikolla gjatë ditës së djeshme ku kërkohet përfaqësimi i tyre në komisionin e Reformës Zgjedhore.

“Është e qartë se punën për komisionin e reformës e bllokon Edi Rama dhe mazhoranca për arsye se rregullorja e Kuvendit e bën të qarrtë parimin e proporcionalitetit si i vetmi parim ku mbështetet përfaqësimi i opozitës. Janë 47 deputetë opozitarë që kanë dorëzuar një dokument ku kërkojnë në mënyrën më legjitime të kenë bashkëkryetarin, jo se ata duan kështu por për shkak të parimit të proporcionalitetit. Është detyrë e mazhorancës të respektojë këtë parim dhe të zhbllokohet puna e komisionit”- tha Meta.