Ina Zhupa: Ra ky skandal McGonigal dhe u njohëm me ca kolegë

Deputetja e PD-së, Ina Zhupa, ka reaguar me ironi lidhur me kërkesën e PS për përjashtimin e 8 deputetëve nga Kuvendi.

“Qenkan shqetësuar se deputetet e opozitës flasin dhe kërkojnë fjalën në mbrojtje të interesit publik. Këta deputetët firmëtar të rilindjes e kanë ditur se në kuvend vetëm ngrihet kartoni kur të thotë Taulanti dhe kaq!

Harrojeni që me përjashtime na e mbyllni gojën apo aq më pak na trembni. Ne do vazhdojmë të flasim dhe të kërkojmë llogari.

Me 11 shkurt, do dëgjoni shqiptarët në shesh!”, shkruan Zhupa në reagimin e saj.

Ndërkohë përjashtim është kërkuar për Luçiano Boçin, Albana Vokshin, Ervin Salianji, Ina Zhupën, Luan Baçin, Tritan Shehun, Gazmend Bardhi dhe Bledion Nallbati.