Inagurohet Korpusi Qendror i Universitetit të Tiranës

Nga Edi Rama

Sot në Korpusin Qendror të Universitetit të Tiranës ku kanë përfunduar punimet e godinës së re bashkëkohore. Një objekt i ri që i shtohet botës univeristare dhe do të pasohet nga rindërtimi i dy krahëve ekzistues të kohës së vjetër duke ruajtur të paprekur monumentin e kulturës në pjesën ballore. Kështu i gjithë ky korpus do të ketë hijeshinë dhe dinjitetin që meriton Universiteti Politeknik; do të jetë pasqyrë e ambicies sonë për universitetin e kohës së re.

Me reformën në arsimin e lartë kemi arritur të garantojmë dhe zgjerojmë autonominë në universitet. Kjo reformë ka dy shtylla mbi të cilat vendoset rruga e dijes në botën universitare:

Konkurrenca dhe merita.

Konkurrenca e hapur, e barabartë, transparente për të gjithë dhe merita sipas aftësive të secilit, në mënyrë që Universiteti të mos jetë më një udhëkryq i rrëmujshëm, një rifuxho e përkohshme për shumë të rinj, të cilëve, për vite të tëra i’u ushqye iluzioni se kushdo mund ta kishte një diplomë edhe pa shkelur në auditor.