Incidenti te FRD-ja, Meta: Shyqyr që kisha Panaritin me vete dhe jo Tedi Blushin. Shkresa e dërguar te FRD-ja nga Bashkia pa vulë

I ftuar mbrëmjen e sotme në emisionin “Çim Peka live” në Syri Tv, Presidenti i Republikës Ilir Meta komentoi ngjarjen e paprecedentë që ndodhi të premten në zyrat e partisë Fryma e Re Demokratike.

Kreu i shtetit tregoi mënyrën se si u gjend aty, ndërsa nuk kurseu as ironitë.

“U nisa drejt zyrave të FRD pas telefonatës se z.Sali Shehu. Kur kam shkuar aty kam parë tensionin dhe nje perpjekje jo të drejtpërdrejtë për të më penguar. Në atë moment një person i skeduar goditi drejtuesin e FRD të Tiranës dhe disa nga personat që më shoqëronin mua. Ajo skenë me kujtoi dhunën ndaj banorëve të Astirit, banorëve të Bregut të Lumit, banorëve të Shkozes. Shyqyr që me mua ate ditë ishte shefi i kabinetit, z.Panariti dhe jo zëdhënësi Tedi Blushi”, u shpreh Meta.

Sipas Metës, roli i Presidentit nuk është të mbroj selitë e partive, por të mbroj pluralizmin politik kur ai cënohet.

“Nuk kam provokuar asnjë tension te zyrat e FRD-së. Shkresa e dërguar te FRD-ja nga Bashkia e Tiranës pa vulë dhe jo e ligjshme.”, tha Meta.