Integrimi, Rama do takojë Presidenten e Komisionit Europian

Pas takimit me Kancelaren e Gjermanisë, Angela Merkel, kreu i qeverisë shqiptare, Edi Rama do të takohet me Presidenten e Komisionit Europian. Më datën 28 janar, Rama do të takohet me Ursula von der Leyen. Takimi me Presidenten e KE-s;, do të zhvillohet pas atij me kancelaren Angela Merkel të parashikuar në fillim të kësaj jave. Tre ditë më parë nga Italia, Kryeministri Rama bëri të ditur se po bëhen përgatitjet e duhura për mbajtjen e Konferencës së Donatorëve në Bruksel muajin tjetër, ndërsa theksoi se pas Romës do të vizitojë edhe Berlinin, ku do të takohet me kancelaren Merkel.