Ironia e Kim Mehmetit: Edhe lopën po e nxore përditë në TV, e bën vlerë kombëtare

Shkrimtari dhe analisti i njohur shqiptar Kim Mehmeti, ka ironizuar fort sot për ata që dalin përnatë nëpër ekranet e televizorit.

Me një postim në Facebook, Mehmeti shkruan se ‘edhe lopën po e nxore përnatë në televizor mund ta ngresh në rrafshin e “vlerës’ kombëtare”.

Kim Mehmeti shkruan në Facebook:

‘Shumë nga të rinjtë shqiptarë mbase gabimisht besuan se vlera më e lartë e civilizimit perëndimor është zhveshja dhe se në jetë shkohet përpara me prapanicë e gjoks të nxjerrën jashtë!

Andaj atyre me dashamirësi duhet thënë se trupi është fole ku prehet shpirti dhe, sado i bukur të dukesh nga jashtë, çdo gjë varet nga mençuria që ke në kokë dhe nga pasuria që ruan në shpirt!

Më në fund, edhe shpendi e dinë se nuk mund të ruash zogj në fole të mbyllur nga të gjitha anët ku nuk rrezaton dielli, por as në atë që nga çdo anë e fryn era, pra as në fole të cilës çdokush ia sheh të gjitha ndërthurjet dhe që mundë ta prekë cilido që kalon pranë saj!’