Ish-ministri i PS: Puçi i Ardian Dvoranit nxjerr zbuluar reformën në drejtësi. Roli i armatës Ruçi-Gjoni dhe ambasadorëve të SHBA e BE

Nga Elmaz Sherifi

Kryetari i Shtetit po denoncon me fakte ”puçin kushtetues”. Iniciator i deformimeve të procedurave për emërimin e anëtarëve të Gjykatës Kushtetutese është kryetari i Këshillit të Emërimeve në Drejtësi. Bashkëpuntorë janë bërë Kuvendi dhe ministria e Drejtësisë. Me heshtjen e tejzgjatur në këtë bashkëpunim përfshihen edhe Ambasada e SHBA dhe Delegacioni i BE. Të shohim si do reagojë Komisioni i Venecias, pas kërkesës që iu bë nga Kryetari i Kuvendit dhe Kryetari i Shtetit për procedurat e emërimit të anëtareve të Gjykatës Kushtetutese. Tani të gjithë ata që dëshirojnë suksesin e asaj që është trumbetuar si Reforma në Drejtësi, po e shohin në ekran, se si është realizuar “Puçi Kushtetutes e Institucional”, që emërtohet si “grusht shteti”! Meta ka tejkaluar çdo etikë të kryetarit të shtetit në komunikimin publik, pasi askush nuk i përgjigjet zyrtarisht kërkesave të tij. Kryetari i Shtetit ka të drejtë të “ulurijë”, kur shkeljet e kushtetutës, të ligjeve e procedurave të emërimeve janë të dukshme dhe ata që pretendojnë se janë “harrtuesit e reformës” i hoqën kompetencat kryetarit të shtetit për hetimin, të cilit kushtetuta ia njeh! Edhe “Baba Taku” dha leksion ç’është grushti i shtetit. Dhe ka shumë të drejte. Sepse deputet bëhej nga lista e socialisteve, dhe aktivitetin e kryente te Meta. Prandaj mund të thosha se “kur shikoj prapa, jam kundër Metes. Kur shoh përpara jam me kryetarin e shtetit, që denoncon shkeljet Kushtetutese”! Pas denoncimit të fakteve është në provë SPAK!