“Ja pse nuk ka një shifër të saktë të personave nën rrënoja”

Ministria e Mbrojtjes ka dhënë në mesditë informacione zyrtare për numrin e viktimave të tërmetit të së martës.

Albana Qehajaj, zëdhënësja e Ministrisë së Mbrojtjes tha se “pas verifikimit të të dhënave të fundit, numri i personave që kanë humbur jetën është 26. 12 prej viktimave janë në Durrës, 13 në Krujë (Thumanë) dhe 1 në Lezhë”. Ndërkohë nuk ka ende një numër të saktë të personave që janë nën rrënoja.

Lidhur me mungesën e shifrave zyrtare, Ministria e Mbrojtjes sqaron se: “Ka disa familje për të cilat nuk ka ende konfirmim nëse kanë qenë në banesa në momentin e tërmetit apo jo. Për këtë arsye nuk ka një shifër të saktë të atyre që mungojnë”.