Jo normalitet në Kuvend, Bardhi: Deputetët e përjashtuar do të merren me protestën

Deputetët e përjashtuar nga grupi i PD-së, nuk do marrin pjesë në seancën e sotme parlamentare, pasi do të angazhohen për organizimin e protestës së nesërme. Është ky vendimi i grupit parlamentar demokrat, i cili u njoftua nga kreu i grupit parlamentar i PD, Gazment Bardhi.

“Deputetët e përjashtuar do të shpërndahen menjëherë në kryesitë e degëve të PD për të organizuar protestën e nesërme”. Në një deklaratë për mediat, Bardhi tha se deputetë që do marrin pjesë nuk do të lejojnë normalitet në sallën e Kuvendit.

“Ata që marrin pjesë në seancë do të bëjnë gjithçka për të vijuar aksionin e opozitës dhe për të mos lejuar normalitet”, tha Bardhi.