Jorida Tabaku: Qeveria nuk njeh limite, miratoi ligjin korruptiv për zonat e mbrojtura

Deputetja e Partisë Demokratike, Jorida Tabaku, ka folur për mediat pas përfundimit të seancës plenare e cila zgjati vetëm 8 minuta dhe ndër të tjera u votua edhe projektligji për zonat e mbrojtura.

“I përdorët deputetët, qeveria solli një vendim tjetër, me ligjin e miratuar në zonat e mbrojtura do të bëhen investime. Ju të gjithë e dini që unë kam kohë që përpiqem që betejën tonë ta bëjmë në institucione. Me ligjin e zonave të mbrojtura, qeveria nuk ka asnjë limit, votuan një ligj që janë 14 vendime për investime strategjike në zonat e mbrojtura. E kam ngritur këtë shqetësim me ambasadorin e BE, me komisionerin dhe të gjitha strukturat. Këto janë akte që i shërbejnë qeverinë për të punuar për një grup njerëzish, siç kanë bërë ndër vite.

Ky është një ligj korruptiv për kapjen e shtetit. Ka 14 ligje që tregojnë kapjen e shtetit, të miratuar në parlament. Jeni koshientë se sa kemi reaguar ne. Mos e shikoni lidhjen vetëm për mjedisin, por shikojeni si korruptiv. Shqipëria është një vend sovran që miraton ligjet e veta, por kemi një detyrim në procesin e integrimit. Është një ligj korruptiv, që do japë leje për struktura akomoduese në zona të mbrojtura“, tha Tabaku para mediave.