Jorida Tabaku: Zhvlerësimi i euros vjen nga politika mafioze e qeverisë

Nuk ka model ekonomik që e shpjegon zhvlerësimin e euros, dhe forcimin e lekut me këtë situatë ekonomike. Zhvleresimi i monedhës euro, nuk vjen si pasojë e rritjes ekonomike, as si rezultat i rritjes se prodhimit vendas, rritjes së sektorëve kryesorë si bujqësia që është në renie. Arsyeja e zhvlerësimit të Euros? Burimet informale, kryesisht në ndërtim, sidomos në Tirane dhe “paaftesisë” së qeverise për të investuar apo shpenzuar në projekte reale të taksave që i mbledh shqiptarëve.

Kosto që po i shkaktohet sot ekonomisë për sipërmarrjet eksportuesve që mbajnë dhe bilancin tregtar në këmbë është kolosale. Llogaritet që humbjet të jenë 31 mln euro prej zhvelresimit të euros në të ardhurat e kompanive.

Industria dhe sektorët e tjerë që merren me eksportin po vuajnë prej kësaj situate, por njekohesisht dhe turizmi që nuk shfrytezon poltencialin e plotë me pagesa në euro që kanë një vlerë më të ulët konvertuar në lekun vendas.

Sot ringjallja e ekonomisë, shpërndarja e të mirave publike në të gjithë sektorët, krijimi i nje modeli ekonomik që stimulon dhe jo që frenon sipërmarrjen private janë emergjenca kombëtare.