Kabineti ”Rama 3”, Lindita Nikolla: Surprizë që kemi 12 ministre në qeveri

Gjatë Asamblesë Kombëtare të PS-së, të gjithë mësuan për emrat e ministrave të kabinetit qeveritar ”Rama 3” dhe të pozicioneve në PS. Si i komenton Kryetarja e Parlamentit, Lindita Nikolla emërimet dhe shkarkimet e bëra nga kryeministri Rama?

“Unë kam përjetuar si një përgjegjësi të lartë, një nga përgjegjësitë që nuk i kisha menduar. Ishte surprizë! Po t’i referohemi rasteve konkrete, kanë një historik protagonizmi. Edhe ata që duken shumë të rinj dhe jashtë politikës kanë një protagonizëm profesional në fusha të caktuara që kanë rënë në sy të kryeministrit.

Për sa më takon mua, di që kam zgjedhur një karrierë të gjatë politike që nga kryetare organizate në njësinë bashkiake numër 1, e zgjedhur në tre legjislatura, ashtu si kolegët e tjerë, kam një karrierë të gjatë politike.

Kanë qenë propozime nga Rama në targetin e kreut të kabinetit qeverisë. Ai ka folur dhe unë nuk kam ndonjë shqetësim. Përpos faktit se është surprizë që kemi 12 ministre në qeveri, janë të gjitha me një karrierë të pasur politike”,- tha e ftuar në ”Top Channel”.