Kandidatët e Alibeajt për zgjedhjet, Bylykbashi: S’ka tagër ligjor, firma e tij nuk vlen për KQZ-në

Nënkryetari dhe deputeti i Partisë Demokratike, Oerd Bylykbashi ka treguar disa detaje nga procesi i Primareve. I pyetur lidhur me kandidatët që do të prezantojë grupi i Alibeajt, Bylykbashi tha se ai nuk ka asnjë tagër ligjor për të paraqitur një listë pasi firma e tij nuk vlen për KQZ-në.

“Në garë nuk garojnë ata që kanë përfaqësues të përhershëm në KQZ. Garojnë subjektet zgjedhore. Alibeajn nuk e njeh asnjë gjykatë si kryetar. Basha u shkarkua më 11 dhjetor. Vendimi nuk ishte final. Ratifikimi u bë me referendum nga mbi 40 mijë anëtarë të PD”.

Çfarë ndodh nëse KQZ nuk pranon listat e Berishës në zgjedhje? Deputeti tha se ka precedent që KQZ ka regjistruar në zgjedhje një parti e cila ka qenë në një proces gjyqësor, pa pasur një vendim të formës së prerë.

”Ne kemi vendim gjykatë që njeh organet e PD. Ajo e Alibeajt për mua është një shashkë. Mund të kemi një situatë groteske, që Basha të firmosë i dorëhequr. Dhe të thotë ju gënjeva për dorëheqjen, do ta regjistroj unë PD”. Për të nëse Basha firmos, do të shkelte ligjin.