Kandidatët për Bashkitë, Rama mbledh sërish deputetët në konsulta

Kreu i Partisë Socialiste, njëherësh Kryeministri i vendit Edi Rama e ka nisur të premten me takime intensive në funksion të zgjedhjeve lokale të 21 qershorit.

Në selinë e PS-së, kanë nisur takimet e para me deputetë të qarkut të Shkodrës, për konsultat e fundit lidhur me përcaktimin e kandidatëve për 61 Bashkitë e vendit.

Pas Shkodrës, në takim me Ramën do të jenë deputetët e qarkut të Durrësit që do të pasohen me të zgjedhurit e qarqeve të tjera.

Një pjesë e mirë e kandidatëve të mazhorancës tashmë janë zyrtarizuar, por mbeten ende të tjerë enigmë, më kryesorja kandidati për kryeqytetin.

Edhe pse i rezervuar, deputeti socialist Ben Blushi ka kritkuar kryesocialistin Edi Rama, për menyrën si po vepron për përzgjedhjen e kandidatit të shumicës për Bashkinë e Tiranës.

Në përgjgje të Ora News, Blushi e cilësoi procesin si jo transparent.

Ben Blushi: “Duhet të kishin dalë emrat, shumë vonë është. Duhet të kishin pasur më shumë transparencë, këto janë kandidatët e një njeriu deri tani, nuk janë të PS për fat të keq deri tani, prandaj nuk dua të flas më shumë”.