Kaosi në Kuvend, reagon Spiropali: Beteja e karrigeve në emër të karriges së pushtetit, e shëmtuar!

Kryetarja e kuvendit Elisa Spiropali deklaroi sot se beteja e karrigeve në emër të karriges është shfaqje e shëmtuar.

“Agjenda politike dhe strategjia e gabuar e ca të paktëve nuk e ka reshtuar në krahun e duhur. Do ta mbaj ca kohë në zyrë atë kornizën e xhamtë me brenda copën e drunjtë që u hodh egersisht kundër meje e Kuvendit të Shqipërisë e do ta marr në shtëpi ta kem si kujtim të keq apo të mirë. Beteja e karrigeve në emër të karriges së pushtetit është vetëm një nga shfaqjet e shëmtuara të dhunës që duhet patjetër të tejkalohet“, ka thënë Spiropali në Forumin Rajonal mbi Mirëqeverisjen dhe Luftën Kundër Korrupsionit.