“Kapërceni ngërçin”! Kreu i PE, letër samitit në Slloveni: Procesi i integrimit për rajonin ka nevojë për nxitje të re!

Në një letër drejtuar Presidentit të Këshillit Evropian, Charles Michel për samitin BE-Ballkan Perëndimor që zhvillohet sot në Slloveni, Presidenti i Parlamentit Evropian David Sassoli u kërkoi udhëheqësve të kapërcejnë ngërçin aktual dhe të ecin përpara me procesin e pranimit në BE.

“Samiti i këtij viti BE -Ballkani Perëndimor nuk mund të ishte më i duhuri. Sot, më shumë se kurrë, procesi i pranimit të vendeve të Ballkanit Perëndimor ka nevojë për një shtysë të re dhe të fortë. Është koha që vonesat dhe bllokimet aktuale të kapërcehen”, shkroi Sassoli.