KAS rrëzon kërkesën e PD për qarkun e Tiranës, edhe të Boiken Abazit

Vijojnë rrëzimet e provave të opozitës për vjedhjen e rezultatit të zgjedheve më 25 prill. Komisioni i Ankesave dhe Sanksioneve (KAS) vendosi që të administrojë provat e depozituara nga palët ankimore dhe ato që u depozituan sot nga Partia Demokratike.

U vendos rrëzimi i kërkesës së kandidatit të pavarur, Boiken Abazi për të kryer ekspertizë në lidhje me një sërë fletësh votimi.

Po ashtu është rrëzuar edhe kërkesa e PD-së për kërkimin e 19 provave shtesë, kërkesa e Bojken Abazit për administrimin e kamerave në shkollën ”Arben Bronzi” dhe qendrën e votimit në këtë shkollë.

Dy anëtarë të KAS kërkojnë të dhënat e pajisjes PEI që të administrohen si provë.

Mbledhja e KAS është pezulluar dhe do të rifillojë në orën 17.00 dhe pritet të merret vendimi për qarkun Durrës dhe Shkodër.