KAS rrëzon kërkesën e PD-së edhe për Shkodrën

Komisioni i Ankesave dhe Sanksioneve në KQZ, ka mbyllur sot mbledhjet për shqyrtimin e kërkesave ankimore. Ashtu siç për Durrësin, KAS vendosi që të refuzojë kërkesën e PD-së për prova shtesë nga institucionet e tjera për qarkun Shkodër.

KAS vendosi gjithashtu që të kërkojë informacione për të dhënat e kryqëzuara të pajisjes PEI për qendrat e votimit në qarkun e kryeqendrës së Veriut.

Paraditen e sotme, Komisioni i Ankesave dhe Sanksioneve ka vendosur të rrëzojë kërkesën e Partisë Demokratike për përsëritjen e zgjedhjeve në qarkun e Durrësit.

Po me shumicë votash, KAS vendosi të rrëzonte kërkesën për marrjen e provave shtesë. Nga ana tjetër, KAS ka pranuar që të marrë për shqyrtim vetëm kryqëzimin e të dhënave të pajisjeve PEI ku PD kërkoi shqyrtimin e një liste për rreth 300 personave, që sipas tyre kanë marrë para për vota dhe që sipas tyre ka pasur informacione se kanë qenë pjesëtarë të administratës zgjedhore.