Kastriot Islami: Shqipëria në krye të OSBE-NDER…, Rama negociator-TURP…

Nga Kastriot Islami –
Së pari e mbi të gjitha, më duhet të deklaroj se Shqipëria duhet te ndjehet e nderuar qe drejton në këtë kohë OSBE por duhet të ndjehet e turpëruar në ekstrem që ka në krye të punëve në Shqipëri Edi Ramen dhe për rrjedhojë këtë rol të saj të nderuar në krye të OSBE do të duhet ta luajë një personazh i diskretituar, i korruptuar dhe i inkriminuar si Edi Rama…Ky është paradoksi!
Kryeministrit të Shqipërisë Edi Rama, në cilësinë e drejtuesit të përkohshëm të OSBE, i është kërkuar formalisht dhe ka bërë sikur e ka kërkuar vetë këtë rol duke si negociator mes Presidentit dhe opozitën në Bjellorusi për të zgjidhur situatën e krijuar përmes dialogut e negoaciateve, pas zgjedhjeve të dyshimta, që janë zhvilluar pa prezencën e misionit ndërkombëtar të OSBE/ODHIR?!
Mendoj se Rama është në një pozitë tërësisht qesharake e të turpshme për të luajtur këtë rol, aq më tepër që kjo krizë është shumë komplekse dhe e komplikuar… dhe Rama s’ka as kapacitetin, as aftësitë, as moralin, as integritetin; thënë shkurt asgjë për një negociator të ndershëm e të aftë për këtë rast…
Dy cilësime që përshkruajnë rolin e Ramës si negociator më kanë tërhequr vëmendjen:
I) është njëlloj si ti varësh ujkut melçitë në qafë; dhe II) a mund te zgjidhet kriza nga kriza? Cilësime që përshkruajnë në mënyrë lakonike rolin e pamundur që kërkon të luajë OSBE për të moderuar një krizë të komplikuar përmes Edi Ramës…
Këshilla ime në këtë rast do të ishte se ai duhet të jepte dorëheqjen, jo vetëm nga drejtimi OSBE-së po edhe i punëve në Shqipëri, ose më saktë të largohej nga drejtimi i punëve në Shqipëri sepse kështu i linte Shqipërisë mundësinë të luante këtë rol të nderuar dhe i hiqte turpin që këtë rol thjesht për të ndrequr imazhin e tij personal kërkon ta luajë Edi Rama… Arsyeja është e thjeshtë: Edi Rama është i paaftë, pa eksperiencë, pa kapacitetin e duhur, i korruptuar dhe i inkriminuar… pra anti-OSBE…
Të gjithë vendet anëtare të OSBE janë në dijeni dhe nuk kanë harruar se Edi Rama është akuzuar nga Zyra e OSBE ne Tirane si posedues i 200 milion eurove të fshehura në llogari off shore në emër të të vëllait.. dhe këtë akuzë nuk e ka përgënjeshtruar asnjëherë, madje nuk ka pasur as guximin të bëjë sikur po e hedh në gjyq ndërkombëtar këtë akuzë?!.
Pa dashur të faktorizoj Llukashenkon që ka përgjësi të konsiderueshme për cka ndodh në Bjellorusi dhe ndoshta edhe do të ndëshkohej një ditë, edhe vetëm për faktin se ka penguar prej 26 vjetësh alternimin e pushtetit, ndjehem keq kur mendoj se “cfarë do të mund ti thoshte Lukashenko kur të shikonte përballë Edi Ramën i cili është hajduti më i madh i zgjedhjeve në të gjithë hapësirën e OSBE..!”.

Organizata e OSBE-së duhet të ndjehet po ashtu e turpëruar që ka një njeri si Edi Rama në krye të saj që akuzohet si hajdut i pasurisë kombëtare dhe hajdut i zgjedhjeve…Një individ që cfarë nuk bëri deri në komprometimin e një zyrtari të lartë të OSBE për të kaluar ligjin kundër shpifjes… Një kryeministri në krye të vëndit që deri më sot ka organizuar vetëm zgjedhje kur në raportet e OSBE/ODHIR shkruhet se “vota është blerë me paratë e korrupsionit” dhe “votuesit kanë kërcënuar nga individët me rekorde kriminale” që në realitet janë shokët dhe bashkëpunëtorët më të ngushtë të Edi Ramës…

Rama duhet të kuptoj po ashtu, se kjo që kërkon të bëjë Rama për të ndrequr imazhin e tij personal përmes marifetesh tinzare është një mision i pamundur. Dhe ndërsa revolucionin në Bjellorusi e kanë cilësuar vetë bjellorusët quhet Revolucioni anti-buburec, në kuadrin e kësaj metafore, Rama është vecse një mizë shumë e vogël e perverse, që e njohin të gjithë, brënda e jasht vëndit, për bëmat e tij…
Lexoni vetëm se çfarë shkruan sot Peter Tiede i gazetës më të madhe gjermane BILD për tu bindur për gjithçka po ju bëj me dije..