Këlliçi: Basha mashtroi deputetët në emër të ambasadës Amerikane

Deputeti demokrat, Belind Këlliçi thotë se Lulzim Basha ka mashtruar deputetët në emër të ambasadës Amerikane në Tiranë. Po ashtu ai thekson se Basha u ka bërë presion deputetëve, duke i gënjyer dhe duke u dhënë sondazhe false, ndërsa shton se pre e këtij mashtrimi ka rënë edhe vetë.

”Rruga e bashkimit nis duke larguar humbësin serial, i cili njëlloj si Edi Rama që thotë nuk kam rritur çmimet, thotë që nuk kam humbur asnjë betejë elektorale, ndërkohë që ka humbur 6 palë zgjedhje.

Duke hedhur në koshin e mbeturinave të historisë një model të shitjes së opozitës, të mashtrimit të deputetëve në emër të Ambasadës Amerikane.

Të presionit të deputetëve duke i gënjyer, duke u dhënë të dhëna false, sondazhe false, jo vetëm atyre por edhe komunitetit ndërkombëtar. Kjo ka ndodhur gjatë gjithë kohës, jam gënjyer sistematikisht deri sa vendosa që të mos jem pjesë e asaj farse”,-tha në ”Ora News”