“Kemi kërkuar interpelancë urgjente me kryeminstrin”, Bardhi replikon me Çuçin: Nuk ka urgjencë!

Gazment Bardhi dhe Blendi Çuçi kanë replikuar në nisjen e seancës plenare këtë të enjte. Kreu i grupit të Rithemelimit kërkoi interpelancë me kryeminsitrin Rama sa i përket emisionit të RAI 3, ndërsa Çuçi iu përgjigj se nuk ka urgjencë, pasi vetë RAI 3 e shtyu pjesën e dytë të emisionit.

Bardhi i drejtohet kryeparlamentares Nikolla:

E keni kthyer shkeljen e kushtetutës në normë. Interpelancat për kryeministrin as nuk ia komunikoni seancës. Kemi kërkuar një interpelancë urgjente me kryeministrin për një ndërhyrje skandaloze të kryeministrit te mediat italiane. Ju e keni rrëzuar kërkesën dhe e kuptoj sepse kryeministri ju ka dhënë urdhër që ta mbroni sepse ai ka frikë. Arroganca juaj nuk mund t’i mbivendoset kuvendit. Është kuvendi që do duhet të vendosë, por e kuptoj se ju keni frikë ta përmendni emrin e Kryeministrit.

Çuçi: Nuk është çështje për interpelancë sipas përcaktimeve të rregullores dhe aq më pak pastaj se nuk është urgjente se vetë programi i RAI nuk ka urgjencë, meqë vetë e ka shtyrë pjesën e dytë të emisionit. Pra është njoftuar në seancën e kaluar, pra është marrë vendimi në parlament që nuk ka vend për një interpelancë urgjente.