”Kemi lajme të shumë të mira”, Basha poston videon mesazhin në rrjete sociale

Kryetari i PD-së, Lulzim Basha ka ndarë një video mesazh me qytetarët shqiptarë, një ditë pasi dorëzoi listat e kandidatëve të PD-së për zgjedhjet e 25 prillit. ”Shqipëria mund të ndryshojë, Shqipëria ka nevojë për ndryshim, Ne do ta sjellim ndryshimin”,-shkruan Basha. Nga ana tjetër në video thuhet se kemi pagën më të ulët në rajon si dhe në 8 vite qeverisje Rama nuk bëri asgjë.

Postimi i plotë

Kemi lajme të shumë të mira për… boshnjakët. Paga e tyre mesatare është 780 Euro. Në Shqipëri paga mesatare është 424 euro. Paga më e ulët në rajon. Për 8 vjet Rama nuk bëri asgjë.

Asgjë, përveçse dështoi në çdo drejtim. Është koha për punë. Është koha të ndryshojmë.

Koha për paga më të mira. Për qeverisje më të mirë. Koha për Partinë Demokratike.

Koha që Shqipëria të fitojë.