Kërkesa e LSI-së për qarkun e Beratit, KAS mblidhet sot për shqyrtimin

Këtë të premte, KAS do të zhvillojë mbledhjen e rradhës ku do të shqyrtojë kërkesën ankimore të LSI për rezultatin e zgjedhjeve në qarkun e Beratit. Po ashtu LSI-ja ankimoi rezultatin e 25 prillit edhe për qarkun Durrësit, Korçës, Vlorës dhe Gjirokastrës.

Ankimimin për Gjirokastrën e ka argumentuar me faktin se vendimi i Komitetit Teknik të Ekspertëve për ta karantinuar për 14 ditë qytetarët që vijnë nga Greqia dhe Maqedonia e Veriut, ka synuar që të godasë politikisht Lëvizjen Socialistë për Integrim në zgjedhje.

Në mbledhjen e fundit të KAS u vendos që ankimimi i bërë nga PD-LSI për Gjirokastrën, do të shqyrtohet duke marrë për bazë vetëm provat e sjella nga këto dy forca politike, pa marrë prova shtesë nga institucionet shtetërore.