Kërkesa e SPAK-ut për arrestimin e Ahmetajt, mblidhet nesër Këshilli për Rregulloren, Mandatet dhe Imunitetin

Nesër (martë) në orën 16:00 do të mblidhet Këshilli për Rregulloren, Mandatet dhe Imunitetin. Mbledhja vjen pas kërkesës së SPAK, i cili kërkoi arrestimin e ish-ministrit Arben Ahmetaj.

Prokuroria e Posaçme Kundër Korrupsionit i ka kërkuar autorizim Kuvendit për arrestimin dhe kontrollin e banesës së ish-ministrit të Financave dhe ish-zv.kryeministrit Arben Ahmetaj.

Ish-ministri, deputeti i PS-së po hetohet për “shpërdorim të detyrës”, “fshehje të të ardhurave”, “korrupsion” dhe “pastrim të parave”. SPAK, bashkangjitur kërkesës për arrestimin e Ahmetaj ka dërguar në Kuvend edhe një dosje voluminoze.