Kërkohen mjekë dhe infermierë. 5 deputetë të PS dalin vullnetarë

Pesë deputetë të Partisë Socialiste i janë përgjigjur pozitivisht thirrjes së Ministrisë së Shëndetësisë, që të bashkohen në luftën kundër koronavirusit.

Ata janë Klodiana Spahiu, Edlira Bode, Arben Kamami, Ilir Pendavinji dhe Florenc Spaho, të cilët do të kenë detyrën e vështirë që të përballen me personat e infektuar nga virusi e të kujdesen për ta.

Kreu i Grupit Parlamentar të PS-së, Taulant Balla, ndërsa u bëri thirrje mjekëve që të bashkohen me stafin mjekësor, shtoi se “sa më shpejt ta fitojmë betejën, aq më shpejt i rikthehemi normalitetit”, në një status në Facebook.

“Kush është i të gatshëm të kontribuojë në menaxhimin e situatës, sot është pikërisht dita për ta dhënë atë kontribut dhe ky kontribut mund të jepet me veprime konkrete. Për llafe dihet kë kemi.

Situata e krijuar nga COVID-19 është pa diskutim një sfidë e një natyre të veçantë, që ka në zemër të saj bashkëpunimin e shumanshëm me çdo individ. Në këtë çast, sistemi shëndetësor është i mobilizuar për të përballuar këtë situatë të pazakontë.

Çdokush që mendon se mund t’i japë një dorë sistemit shëndetësor është i lutur të aplikojë sa më parë sepse sa më parë ta fitojmë këtë betejë, aq më shpejt do mund t’i rikthehemi rutinës dhe normalitetit të jetëve tona”,- shkruan Balla në postimin e tij në Facebook.

THIRRJE PËR Vullnetar nga Ministria e Shëndetësisë

Situata e krijuar nga koronavirusi i ri është padiskutim një sfidë e një natyre të veçantë, që ka në zemër të saj bashkëpunimin e shumëanshëm me çdo individ. Në këtë çast, sistemi shëndetësor është i mobilizuar për të përballuar këtë situatë të pazakontë.

Mjekët dhe infermierët janë vendosur në vijën e parë të betejës. E megjithatë, çdo ndihmë shtesë që mund t’i vijë sot sistemit shëndetësor është padiskutim, e dobishme si kurrë më parë.

Ministria e Shëndetësisë dhe Mbrojtjes Sociale fton të gjithë mjekë të licensuar, infermierë të licensuar, fizioterapistë apo teknik laboratori/ imazherie si dhe të gjithë studentët e degëve të sipërpërmendura që ndjehen të gatshëm të kontribuojë në menaxhimin e situatës, sot është pikërisht dita për ta dhënë atë kontribut.

Çdokush që mendon se mund t’i japë një dorë sistemit shëndetësor është i lutur të aplikojë sa më parë sepse sa më parë ta fitojmë këtë betejë, aq më shpejt do mund t’i rikthehemi rutinës dhe normalitetit të jetëve tona.

Adresa ku mund të aplikohet:  Shendetesia.gov.al 

Lexoni edhe

Shkon në 38 numri i të infektuarve nga koronavirusi në vend

Temperaturë dhe dhimbje fyti? Shefi i urgjencës: Si të kuroheni në kushte shtëpie

Vendim i rëndësishëm i qeverisë. Oraret e reja për qarkullimin me makina

Shqipëria mbyll kufijtë më të gjitha vendet. Lejohet vetëm kalimi i mallrave

Covid-19/ Kjo situatë nuk është çështje ditësh! Durim dhe kurajo!

Ambasadorja Kim uron Ditën e Verës: Le të mbajmë distancë fizikisht,

Dom Gjergj Meta, qeveritarëve: Sigurohuni të mos mungojë sapuni dhe uji, lini mjekët të flasin

Këshilla e pedagoges shqiptare në Oxford: Ja pse sapuni vret virusin më mirë