Kiço Blushi: Nuk duam plehra fizike, por as plehra politike

Ka pasur edhe artistë mes protestuesve dje në shesh kundër ligjit që lejon ardhjen në Shqipëri të plehrave për riciklim. Secilit i është drejtuar pyetja: “Pse po proteston?”. Ndërkaq, artistë që gjenden jashtë vendit janë kontaktuar të japin mendimin e tyre.

Aktori i madh Robert Ndrenika thotë: “Unë kam dalë në protestë si gjithë të tjerët, si qytetar.”

Kurse intelektuali Kiço Blushi shton: “Kur ju pyetët Robert Ndrenikën, tha ne jemi si qytetarë, si qytetarë që kemi pranuar të jetojmë këtu, që kemi jetën këtu, që e duam vendin tonë dhe e duam të jetë edhe i pastër ekologjikisht jo vetëm nga plehrat fizike, por edhe plehrat politike. Kjo besoj është detyrë e çdo qytetari, sepse është e domosdoshme edhe për shoqërinë, edhe për të ardhmen.”