Kikia: Për herë të parë unë jam me hajdutin ordiner. Faleminderit që zbuluat hajdutin qeveritar!

Lajmi këtu nuk është se një pastruese vodhi 500 apo 600 mijë euro dhe shumë bizhuteri, në shtëpine ku punonte. Por që e zonja e shtëpisë, që kishte kaq shumë para cash e bizhuteri, ishte një zyrtare e lartë e qeverisë.

As më pak e as më shumë, por Alda Klosi, ish-drejtoreshë e Koncesioneve, kur janë dhënë edhe koncesionet e inceneratorëve, dhe shefe kabineti e Arben Ahmetajt, në çdo ministri ku ai ka drejtuar.

Pikërisht kjo zyrtare mbante në shtëpi kaq shumë para. Dhe policia nuk guxon tia permendë as emrin e as inicialet në njoftimin e saj. As adresën, vetëm rrugën ku banon.

Ky është skandali, pastruesja hajdute duhet falenderuar që e zbuloi këtë skandal. Pasi prokuroria deri tani për inceneratorët, nuk kishte guxuar ti afrohej asnjë njeriu që kishte lidhje me Arben Ahmetajn.

Zotërinj prokurorë, ja ku e keni një hajdute. Jo pastruesen, por drejtoreshën dhe shefen e kabinetit të ministrit.