Kodi i ri Zgjedhor, Gjiknuri për paktin me PD: 1 në 3 nga kandidatët fitues si deputet do të jetë grua
![](https://kohajone.com/wp-content/uploads/2024/07/Gjiknuri.jpg)
Negociatori socialist për kodin e ri zgjedhor, Damian Gjiknuri thotë se PS-PD kanë rënë dakord për të amenduar listën e hapur me 2/3, në mënyrë që të ruhet kuota gjinore në lista dhe Parlament.
Me amendamentin që pritet të dorëzohet nesër në Kuvend, 1 në 3 nga kandidatët fitues nga lista e hapur duhet të jetë grua. Ai sqaroi se lista e dytë e hapur do të përbëhet nga dy nënlista, një listë grash që garojnë mes tyre dhe një listë burrash që garojnë ndër vete.
”Do bëjmë një korrigjim edhe me lëvizjen e zonjave deputete. Do ta bëjmë një korrigjim ku 1 në 32 emrat e listës që do dalë fituese nga gara e hapur duhet patjetër të garantohet nga kandidatet femra. Nëse do të ketë tre vende fitues dhe asnjë nga ato nuk është grua, do të merret e para e listës. Do të ketë një amendament që është formuluar dhe do të jetë nesër gati”, zbuloi Gjiknuri për ”A2cnn”.