Kokëdhima tek Ilva Tare

Kuvendi i Shqipërisë ka vendosur të dërgojë në Gjykatën Kushtetuese kërkesën për mbarimin e mandatit të deputetit Koço Kokëdhima.

Nga 116 deputetë të pranishëm në sallë, kërkesa është miratuar me 106 vota pro seancën e të enjtes që lamë pas.

Kuvendi rinisi punimet pasditen e 10 Marsit, me praninë e opozitës e cila u rikthye në kuvend në momentin e votimit të vendimit për të dërguar në Gjykatë Kushtetuese mandatin e deputetit socialist, Koço Kokëdhima për të cilët opozita thotë se kanë përfituar fonde publike në shkelje flagrante të Kushtetutës.

Sonte i ftuar në emisionin “Tonight Ilva Tare” është deputeti socialist për qarkun e Vlorës i cili do të përgjigjet për akuzat e opozitës, debatet brenda PS dhe shumë çështje të tjera.

Kokëdhima tha: “Ndryshimet kushtetuese të 2008-ës cenoi sovranitetin e popullit dhe nuk përmirësoi cileësinë e deputetëve dhe të parlamentit.”

Intervista minutë pas minute

Tare: Si e morët këtë mandat?

Kokëdhima: Jam deputet në qarkun e Vlorës dhe deputetët përveç detyrave funksionale si përfaqësues të popullit në Kuvend janë sigurisht përfaqësues të PS për zonat nga vinë sepse zgjidhen me mbështetjen e PS dhe punojnë përsëri me të. Është një gjë shumë e natyrshme që të punojnë me partinë.Në rajonin Vlorë-Gjirokastër punojmë një grup kolegesh dhe deputetë dhe jo deputetë që janë drejtues të rëndësishëm që ushtrojnë pushtet vendor në emër të PS. Kjo strukturë merret dhe me drejtimin e punëve të partisë.

Tare: Pozicionin e të deleguarit e kërkuat apo jua dhanë?

Kokëdhima: Nuk është diçka as e kërkuar dhe as e dhënë, është proces i natyrshëm pune. Një nga kolegët do ta bëjë një rol të caktuar, një tjetër do bëjë një tjetër. Reforma në PS në rajonin Vlorë-Gjirokastër është zhvilluar në mënyrë shumë interesante. Është reformë komplekse, e hapjes dhe shumëfishimit të radhëve të anëtarësisë së saj, reformë e strukturës politike dhe ekzekutive të partisë, përtëristjes së debatit polititik, vlerave në parti.Është reformë që prek gjithë anët e ndërtimit të PS atje. PS ka qenë në 25 vjet në reformim të vazhdueshëm, është në dialektikën e vetë partive. Tani jemi në një fazë tjetër, kjo reformë që po zhvillohet aktualisht.

Tare: Si e gjetët gjendjen atje?

Kokëdhima: Kishim rreth 6000 anëtarë aktivë të PS nga 12 mijë që ishin në lista, aktivistë politikë, njerëz të identifikuar me PS, komisionerë. U bë një ndryshim shumë i thellë pasi numri i anëtarësimeve të reja në parti u zhvillua shumë, aktualisht në Vlorë-Gjirokastër kemi 22 mijë anëtarë. Kemi bërë praktikisht 15-16 mijë anëtarësime të reja në parti, përgjithësisht njerëz me shkolla, të rinj dhe të reja, dhe sidomos gra dhe vajza.

Tare: Ku i gjetët?

Kokëdhima:Është një nga pyetjet që shpjegojnë vetë nevojën e kësaj reforme. Ajo reformë nuk është e përsosur, nuk është perfekte, por është diçka madhështore.Nuk vjen nga një plan i zgjuar por nga nevoja e papërmbushr e qytetarëve për t’iu mundësuar pjesmarrje në qeverisjen e vendit si dhe hapësirë për të zhvilluar aktivizmin politik dhe një karrierë të shëndetshme për të gjithë ata që dëshirojnë të bëhen politikanë të së nesërmes, politikanë profesionistë ose menaxherë të interesave publike dhe shtetërore.Me këtë reformë kjo u mundësua. Struktura e mëparshme politike që ne kishim në PS atje kishte probleme të qarta dhe të dukshme të fnksionimit.Kemi pas shumë raste që organizatat socialiste ishin të ndërtuara mbi bazë familje, ose mbi bazë fisi. Nuk bëhet fjalë që në organizata të tilla të ketë një debat civil, të ketë pjesmarrje të lirë të njerëzve, të ketë shprehje të lirë të ideve dhe mendimeve. Janë të mbylluara dhe nuk hyn dot brenda tyre. Kemi pasur jo vetëm në fshatra por dhe qytete. Ashtu siç kishim organizata që kishin 20 vjet me një kryetar, ose organizata që kishin kryetar por nuk kishin anëtar.

Tare: Duke marrë shembull nga kreu në Tiranë.

Kokëdhima:Nuk flasim për këtë aspekt, por ato aspekte që janë shprehje të atrofizimit të strukturës politike.Të gjitha këto janë kapërcyer me këtë reformë. Përmend dy ngjarje të reformës që kanë të bëjnë me zgjedhjet, zgjedhjet në organizatat e PS dhe zgjedhjet për delegatët e Kongresit në PS. Zgjedhjet në organizatat e PS janë bërë krejtësisht transparente, përfshirje shumë të gjerë, në mënyrë krejtësisht civile dhe me rregulla, pa konflikte.

Tare: Pse ishte e nevojshme të merrnit një mandat delegati dhe ju?

Kokëdhima:Të përgjigjem tek zgjedhjet e delegatëve atëherë.Edhe zgjedhjet e delegatëve ishin një demostrim shembullor i suksesit të reformës, morën pjesë masivisht anatarësia e re e PS, sikur bëheshin zgjedhjet e përgjithshme. Reforma të tilla shoqërohen dhe me kundërshti, edhe konflikte, edhe negativitete në përgjthësi. Edhe rasti im është një rast i debatuar, ka pasur debate dhe nga jashtë dhe nga brenda. Kjo punë që po bëjmë nuk është e pëlqyeshme në radhë të parë nga konkurentët tanë.

Tare: Nuk po flasim për kundërshti nga jashtë, por nga brenda PS, deputetët e tjerë të zonës.

Kokëdhima:Nuk është diçka e pëlqyeshme dhe nga konkurentët tanë që PS atje të vijë pas zgjedhjeve me një 3.5 fishim të anëtarësisë së saj dhe të tentojë 4 fishimin e anëtarësisë flet për shëndetin e saj elektoral atje. Ky nuk shkon në të njëjtin interes me konkurentët tanë. Edhe brenda nesh ashtu siç ka të lumtur në shumicën dërmuese të partisë dhe vlerësojnë shumë këtë reformim.

Tare: Të flasim për këta që janë kudnër, që flasin për një privatizim të partisë në bazë, për njerëz që janë shumë afër të tarafit tuaj.

Kokëdhima: Nuk besoj ta ketë thënë njeri që kam njeri të tarafit tim.Unë punoj afër me partinë, njerzit me partinë janë afër meje, nuk ka njerëz të tjerë.Drejtimi i ri i strukturës politike atje është më shumë se 90% drejtimi për të rinj.Mosha e madhe në parti i kanë hapur rrugë brezit të rinj.Këta janë mijëra njerëz që zgjidhen, nuk kanë as njohjen time dhe as bekimin tim në kuptimin personal. Kemi bërë zgjedhje në 863 organizata sociliste në dy javë. Si mund ti njohë Koço gjithë këto njerëz? Nuk qëndron kjo. Koço bën drejtimin politik, nuk merret me përcaktimin e emrave që zgjidhen. Ky ndryshim i madh ka dhe reaksion, ka dhe njerëz që e kanë konsideruar atë OS si pronën e vet personale, ka njerëz që nuk e kuptojnë dot si do iki unë.Të gjitha kundërshtitë i kemi diskutuar.

Tare: Kush është grupi juaj?

Kokëdhima: Deputetët e qarqeve Vlorë-Gjirokastër.

Tare: Punoni bashkë me ta?

Kokëdhima: Sigurisht.

Tare: Nga çfarë kemi lexuar në media ju as komunikoni me njëri-tjetrin.

Kokëdhima: Nuk është fare kështu.Jo vetëm që punojmë bashkë.Leskaj dhe Toçi kanë qenë më pak aktivë në këtë reformë, por ne dhe me ata kemi bashkëpunuar.Kolegët e tjerë kanë qenë shumë aktivë dhe të përfshirë gjatë gjithë kohës.Ka ekzistuar një lloj pretendimi se ka dhe një pjesë që nuk mbështet reformën dhe në zgjedhjen e delegatëve ishte një përgjigje përfundimtare.

Tare: Kush ka pakënaqësi dhe pse ka pakënaqësi në dijeni tuaj?

Kokëdhima: Nuk merrem me detaje, janë gjëra shumë normale. Nuk mund të jemi të gjithë dakort në çdo kohë për çdo gjë se kjo nuk ndodh as brenda familjes.Procesi dhe reforma është pritur me entuziazëm nga baza. Një strukturë politike e kalçifikuar, e dekompozuar është e papëlqyeshme nga publiku.

Tare: Edhe nga deputetët?

Kokëdhima: Po flas për raportin e reformës me publikun. Ky anëtarësim është test i fuqishëm.

Tare: A ka prishur interesa kjo reformë që ju thoni?

Kokëdhima: Sigurisht.Nuk ka reformë që nuk prish interesa. Do tu prishësh interesat një grushti të vogël njerëzish, por do tu japësh interes të gjerë mijëra të tjerëve.E vura veten time në listën e delegatëve atje me propozim të forumeve drejtuese të partisë në qytetin e Vlorës, që të lexoja votën e njerëzve.Kjo për të treguar mbështetjen e reformës në atë rajon.

Tare: Ka një papajtueshmëri mandatesh, të tjerëve u kërkoni të mos kenë më shumë se dy funksione, vetë jeni dhe deputet dhe delegat.

Kokëdhima: Çdo deputet e ka këtë mandat, ndërkohë që “një emër, një funksion në parti”është një nga shtyllat që kemi zbatuar në rajonin Vlorë-Gjirokastër.

Tare: Këta njërëzit e hequr atje kishin lidhje me deputetë të caktuar të zonës?

Kokëdhima: Nuk bëhet fjalë. Nuk ekzistojnë gjëra të tilla.Të mos e sofistikojmë lojën me paranoja të tilla.Nëse një strukturë politike nuk është funksionale përgjegjësit kryesor janë ata që e drejtojnë. Nëse ka shumë fiktivitet dhe e ndërtuar në mënyrë jo përfaqësuese mos mendon që mund të bëjnë këta reformimin e partisë, jo. Ata duhen ftuar të bashkëpunojnë me një program reformues.

Tare: Pse duhet të besojnë tek ky program reformues?

Kokëdhima: Praktikisht besuan. Kemi sot një strukturë shumë të fuqishme dhe të shumëfishuar atje.Kur bëhet fjalë për tullën e PS që është organizata e PS, ku do ti vëmë të rinjtë? Do ti vëmë në nivelin e parë të strukturës.

Tare: Duhet të zgjidhen.

Kokëdhima: Sigurisht.

Tare: Se keni bërë dhe një diskriminim moshor, nën 40 vjeç.

Kokëdhima: Jo, nuk është diskriminim, por një parim.Nuk është një ligj, as kriter përjashtues. Por kriter orientues.Kur ti nuk ke performancë pozitive në dy palë zgjedhjet e fundit, statuti nuk të lejon të zgjidhesh më. Brezi më i ri duhet të vendoset në drejtimin e OS-ve.

Tare: Reforma jo për të gjithë ka qenë sukses, ka qenë një privatizim që i keni bërë jugut.

Kokëdhima: Çfarë privatizimi? Çështja e emrave nuk ka qenë në interesin tim, nuk është roli im këtu. Roli im dhe kolegëve të mi deputetë dhe drejtuesve të tjerë të rajonit nuk është i lidhur me heqjen e ca emrave dhe vendosjen e të tjerëve. Mënyra si po e bëjmë është e shkëlqyer.

Tare:Si ndjeheni kur ju cilësojnë Beu i jugut?

Kokëdhima: Këto janë pjesë të parëndësishme fare, nuk i marr seriozisht, as nuk më hyjnë në vesh. Nuk ka lidhje me fuqinë, ka lidhje me kundërshtinë e rrugës që ndjekim. Për të bërë një zë kundër nuk është ndonjë problem.

Tare: Nuk kanë të drejtë ata që thonë se po të doni një vend pune, shkoni tek Kokëdhima?

Kokëdhima: Nuk bëhet fjalë, nuk funksionin kështu. Ne kemi një departament të burimeve njerëzore në PS e rajonit që kryen shërbimin dhe bën informimin për çdo post pune që hapet në rajonin tonë kudo qoftë, ndërmarrje private, publike, shtetërore. Bëjmë informimin. Negociojmë dhe me privatin. Informojmë publikun për këtë post pune, informon të gjithë personat që janë databazin e partisë që janë punëkërkues.Pas informimit bëjnë një top listë dhe i trajnojnë njerëzit.

Tare: Gjatë kohës që keni qenë i deleguari për rajonin Vlorë-Gjirokastër sa veta janë punësuar?

Kokëdhima: Nuk mund ta them, nuk kam një shifër. Punësimet në Shqipëri kanë vuajtur nga shumë fenomen të këqia, kemi pasur në të shkuarën sa e sa raste të punësimeve nepotike, pa shkolla, diploma fallco, me blerje, me precedent penalë. Në rajonin Vlorë-Gjirokastër nuk ekzistojnë më punësime me para. Nëse gjeni një, unë jam shumë i interesuar.Do jetë rast i një denoncimi të fuqishëm dhe do dalin përgjegjësitë.Nuk ka punësime të fshehta, që mund ti bëj një Drejtor apo deputet, janë histori që i takojnë qeverisjes së kaluar. Nuk ka më punësime të njerëzve pa meritë.

Tare: Cilat janë problemet më të mëdha që kanë me qeverisjen anëtarësia me të cilën ju jeni në kontakt?

Kokëdhima: Plagët e Shqipërisë janë të ngjashme kudo. Po të thuash për korrupsionin, është plagë e gjithë tranzicionit dhe për gjithë Shqipërinë.Ai rajon ka problemet e ekonomisë, zhvillimit, papunësisë.

Njerëzit kanë varfëri të madhe, probleme të mëdha ekonomike.

Tare: Çfarë po bëni ju për tua zgjidhur apo adresuar këto probleme?

Kokëdhima: Gjithë puna që ne bëjmë në bashëpunim me qeverinë është ta ndryshojmë këtë situatë, ti japim jetë një ekonomie më të mirë dhe një sjellje të administrative dhe të pushtetit shumë më njerzore dhe të drejtë, efektive.

Tare: Jeni një nga ideologët e të majtës së bashkuar dhe shpesh ju quajnë dhe nostalgjik të Enver Hoxhës. Ju vjen keq?

Kokëdhima:Nuk e kam dëgjuar ndonjëherë këtë, ndoshta ngaqë unë koleksionoj vepra arti. Nuk kam asnjë raport me figurën e Enver Hoxhës. Nëse ka diçka që mund të thuhet është koleksionimi që unë bëj për objektet dhe dëshmitë e artit që ilustrojnë historinë e Shqipërisë, por nuk e bëj specifikisht për Enver Hoxhën por që nga antikiteti e deri në ditët tona.E kam koleksionuar Enver Hoxhën ashtu siç kam koleksionuar Ahmet Zogun, princ Vidin, Musolinin dhe objekte të tjera të gjitha periudhave të historisë së Shqipërisë.

Tare: A ka shenja të dikurshme të Enver Hoxhës në PS?

Kokëdhima: Nuk bëhet fjalë. Janë vetëm insinuata shumë jashtë kohës. Mendoni se ka në PS njerëz që kërkojnë të kthejnë sistemin komunist.

Tare: Sillen si në sistem komunist, nuk pranojnë demokraci të brendshme.

Kokëdhima: Nuk ka lidhje me komunizimin. Këto janë kultura që ekzistojnë në çdo lloj organizmi, sistemi, nuk ka lidhje me ndonjë nostalgji. Po Saliu nga është, nuk është nga partia e Enver Hoxhës? Berisha bashkë me partinë e tij, sa nga ata janë të Enver Hoxhës.

PS është shumë e qartë, programi është i hapur dhe nuk ka asnjë lidhje me këto gjëra.Ky lloj diskutimi që bëhet nuk i bën asnjë shëndet Shqipërisë, as ekonomi më të mirë, as pasurim, as rregullim të situatës politike apo sociale. Po fole për kult në Shqipëri dhe të mos shikojmë modelin e Saliut që dhe pasi ishte president dy herë, kryeministër dy herë, pasi ishte kryetar i partisë 15 herë.

Po të thuash për një person që nuk zgjidhet, që nuk shkulet dhe që nuk ikën do të thuash për modelin e Saliut. Saliu po të kishte ikur do të kishte qenë në shtëpi me nipër dhe mbesa por është atje. Është drejtuese de facto i asaj opozite, e ka marrë peng e mban si plaçkën e vet, si pronën e vetë për të garantuar ato interesa të tij por edhe gjëra të tjera që lidhen me të ardhmen.

Tare: Rrimë te PS.

Kokëdhima: Nuk jam fare dakort me atë që nuk bëhen zgjedhje në PS, duke nënkuptuar çështjen e zgjedhjes së kryetarit të PS. Ka plot çështje të tjera që vlejnë por jo kjo.Do flas në Kongres për këto çështje. PS padyshim ka probleme të reformimit, të shëndetit të saj organizativ dhe politik, ka probleme dhe të demokracisë së brendshme, por nuk lidhen me zgjedhjen apo jo të kryetarit. Për këtë kanë përgjegjësi të gjithë drejtuesit e PS atje nga Edi Rama, Gramoz Ruçi, gjithë kanë përgjegjësi kur një strukturë nuk ka performancën e duhur.

Por çështja që diskutojmë, trembet kryetari i PS të bëjë zgjdhje është pa asnjë bazë. Është një çështje teknike e ndërtimit të rregullave tona funksionale dhe PS dhe Kongresi do ta zgjidhin ktë çështje. Nuk është dhe as ka qenë një problem.Edi Rama fitoi zgjedhjet atje dhe ju mendoni që një njeri që fiton zgjedhjet në gjithë popullin nuk fiton dot zgjedhjet në parti?Ato problem statutore, i ka PS.Edhe këtë boshllëkun statutor për zgjedhjen e kryetarit do ta zgjidhim.

Tare:: U zhvillua Asambleja javën e shkuar dhe u cilësua si  një shembull demokracie por vinte pas ngjarjes në Elbasan ku u fishkëllye zoti. Blushi.

Kokëdhima: Ato janë mitingje, duhen amplifikuar ato. Krijohen për shumë arsye sjelljet aty. Nuk janë ngjarje me të cilat mund të krenohet ndonjë person, janë histori mitingjesh. Në secilën nga këto ngjarje çdo person lexon veten dhe nxjerr përgjegjësinë e tij. Njerëzit duhet të reflektojnë dhe reflektojnë gjithmonë.

Tare: Çfarë Kongresi do jetë ky?

Kokëdhima: Do jetë Kongres pune që do të çojë përpara arritjet e PS dhe do përgatisë PS për zgjedhjet e 2017.

Tare: Zgjedhjet e ardhshme do jenë në 2017?

Kokëdhima: Padyshim.

Tare: Nuk ka zgjedhje të parakohshme siç la të kuptohej Majko?

Kokëdhima: Nuk ka asnjë arsye të ketë zgjedhje të parakohshme. Të mos bëjmë profecira.Kolaicioni jonë është efektiv, serioz dhe funksional.Ky koalicion do ta zhvillojë mandatin e tij të plotë dhe zgjdhjet e ardhshme do të jenë si duhet të jenë, rrotull qershorit të 2017.

Tare: LSI-PS do të jenë në koalicion sërish bashkë?

Kokëdhima: Në mandatin e ardhshëm do të qeverisin prapë dy partitë tona, PS dhe LSI.

Tare: Do jetë prapë zoti. Rama Kryeministër?

Kokëdhima: Kjo është një çështje që do ta vendosë koalicioni pas zgjedhjeve të ardhshme, ndoshta dhe para zgjedhjeve.

Tare: Po Presidenti i ardhshëm do të negociohet?

Kokëdhima: Edhe Presidenti i ardhshëm do të zgjidhet në mënyrë konsensuale nga dy partitë tona kryesisht, PS dh LSI do ta zgjidhin.

Tare: Ka bisedime aktualisht.

Kokëdhima: Nuk e di dhe nuk besoj. Është shumë herët, ka kohë. Nuk ka arsye të ketë çarje të së majtës. Për reformën në drejtësi mund të kemi qëndrime të ndryshme të gjithë ne. Është çështje shumë e diskutueshme. Kemi pasur reforma shumë të sukseshme, siç kemi pasur dhe reforma jo të sukseshme.

Reforma territoriale është një nga reformat më të shkëlqyera për të cilën shumica jonë duhet të jetë krenare. Kemi pasur dhe refroma që nuk kanë qenë në rregull, si ndryshimet kushtetuese të 2008, ndryshime që jo vetëm u realizuan me shpejtësi shumë të madhe pa një debat publik, por e ka cënuar sovranitetin e qytetarëve dhe nuk ka përmirësuar cilësinë e deputetëve dhe parlamentit.

Tare: Ju keni qenë dhe kundër ligjit të votuar me shumicë absolute në Kuvend, ligji për dekriminalizimin, edhe e votuat dhe jeni kudnër?

Kokëdhima: Nuk kam votuar për atë ligj, nuk kam qenë në këtë mbledhje të parlamentit. Objektivat e ligjit janë një gjë dhe ligji është gjë tjetër. Unë jam dakort me objektivat që në politikë dhe në drejtimin e institucioneve shtetërore nuk ka arsye Shqipëria të implikohet me njerëz me preçedent penal. Jam dakord që dekriminalizimi si proces të çohet përpara. Por ligji është një ligj çnderues, sepse duket sikur fyejmë racën tonë. Bëjmë ligje që nuk i kanë vendet e tjera.

Kokëdhima pyetet për çështjen e mandatit në Gjykatën Kushtetuese apo një çarje të mundshme brenda Partisë Socialiste.

Tare: A duhet të ndryshojë sistemi zgjedhor?

Kokëdhima: Një gjë është e vërtetë sipas vlerësimit tim. Tani deputetët ngjajnë më shumë me nunra.

Tare: Pse jo ushtarë të kryetarit.

Kokëdhima: Ka nevojë për siguri të tjera. Të rritet sovraniteti i qytetarëve.

Tare: Duhet demokraci e brendshme në partitë politike

Kokëdhima: Demokracia është e nevojshme dhe jetike.

Tare: E garanton statuti i ri?

Kokëdhima: Kur ta miratojmë..

Tare: Pse ka disa drafte? Unë di që ka vetëm një që ka shkuar në Asamble

Kokëdhima: Do të kemi një draft tjetër final përpara Kongresit për të përfshirë dhe diskutuar të gjitha propozimet.

Tare: Ju keni bërë propozime për statutin? Janë sekrete?

Kokëdhima: Edhe unë kam bërë…por nuk dua t’i bëj publike. Do të flas në Kongres.

Tare: A duhet të legalizohen fraksionet në Parinë Socialiste?

Kokëdhima: Këto janë diskutime të Statutit. Këto pyetje do t’i diskutojmë pas miratimit të Statutit.

Tare: Këto çështje duhen diskutuar përpara miratimit të Statutit!

Kokëdhima: Jo këtu! Në parti i diskutojmë të gjitha.

Tare: Vërtetë i diskutoni të gjitha? Edhe në grupin parlamentar…

Kokëdhima: Grupi parlamentar ka hapësira. Bëhen ato diskutime në përputhje me axhendën javore të punës

Tare: Janë diskutime parimore…apo me emra..

Kokëdhima: Çdo diskutim i çështjeve është pozitiv

Tare: Ka një kërkesë që u bë në Asamble që ishte kërkesa e Ramës për të zhvilluar referendum nëse duhet të konfirmohet mandati i kryetarit kur është në pushtet.

Kokëdhima: Është shumë normale. Mund të vendoset në Kongres kështu apo mund të bëhet ndryshe.

Tare: Ju kërkuat shtyrjen nga janari në mars të zhvillimit të Kongresit, këtë ua respektuan, gjithashtu kishit kërkuar edhe zgjedhjen e kryetarit të partisë. Këtë nuk ua morën parasysh..

Kokëdhima: Unë nuk e kam kërkuar zgjedhjen e kryetarit. Ne kemi diskutuar për çështjen e Kongresit. Janë gjëra shumë normale këto…

Tare: Ajo që e quani normale, edhe brenda korrente brenda Partisë Socialiste thonë se çfarë thoni ju bëhet..

Kokëdhima: Në atë parti veprohet ndryshe…nuk ka lidhje kjo.

Tare: A duhet të legalizohen fraksionet apo jo?

Kokëdhima: Nuk kam ç’të them Ilva. Kam një diskutim në Kongres dhe do ta kem publik diskutimin.

Tare: A po shkon Partia Socialiste drejt çarjes?

Kokëdhima: Partia Socialiste ka pasur edhe në të shkuarën histori të tilla dhe kanë sjellë mësimet e nevojshme që të mos i lejoj vetes histori të këtij tipi. Unë nuk besoj se ka një arsye për të sjellë çarje. Ne kemi Kongresin dhe ai është një mundësi për të ballafaquar pikëpamjet… Pse duhet të prisni ju që të kemi çarje?!

Tare: Jo ne nuk po presim fare! Blushi është shprehur se po rigjen lirinë e tij.

Kokëdhima: Është e drejtë e Blushit të gjej çfarë të dojë. Unë besoj që ne kemi të gjitha arsyet të punojmë së bashku për të ndryshuar pozitivisht gjërat. Për të bërë të mërziturin mund ta bëjnë shumë njerëz. Të gjithë duhet të kontribuojmë me modesti, me urtësi.

Tare: A janë të shumtë ata që mendojnë si Blushi? Keni dijeni?

Kokëdhima: Të gjithë ata që mendojnë i shprehin mendimet e tyre..

Tare: Pati një tjetër diskutim që doli në Asamble..se kë do më shumë anëtarësia, drejtuesit e Partisë Socialiste, partinë apo Shqipërinë. Blushi tha se do Shqipërinë por të tjerët donin më shumë partinë..

Kokëdhima: Unë i iki këtij diskutimi. Ne e edukojmë popullin me dashurinë për atdheun.

Tare: E e edukonim në periudhën e komunizmit.

Kokëdhima: Në të gjitha kohët. Dashuria dhe përgjegjësia për atdheun është udhëheqëse në çdo pikëpamje. Çështjet e tjera janë dytësore.

Ilva Tare: Dmth atdheun më së pari?

Kokëdhima: Ky diskutim është pa sens. Më duket një gjë alogjike. Ne kemi një atdhe dhe raportin me atdheun e kemi të gjithë shqiptarët pavarësisht bindjeve politike dhe fetare. Raporti me atdheun është një raport superior dhe nuk mund të krahasohet me raportet e tjera. Nuk bën sens kjo histori.

Tare: E keni diskutuar në Asamble…nuk ka interes publik për këtë.

Kokëdhima: Unë nuk kam diskutuar në Asamble.

Tare: E keni lënë në Kongres me sa duket.

Kokëdhima: Diskutime të tilla nuk bëj kurrë.

Tare: Të shtunën është Kongresi. Do të ketë probleme, përplasje të ideve, debate..

Kokëdhima: Përplasja e ideve nuk janë probleme, janë begati…

Tare: Ndonjëherë sillni ca fjalë që janë vërtetë reminishenca të së shkuarës. Ku është kjo begati tek partitë tona.

Tare: Mandati juaj…E keni shkelur ligjin?

Kokëdhima: Unë s’kam bërë asnjë shkelje ligji. I gjithë sulmi është politik. Unë akuzohem sepse një nga kompani të mia ka marrë pjesë në gara për shitjen e shërbimeve të internetit.

Tare: Mbasi ju keni marrë mandatin e deputetit.

Kokëdhima: Asnjëherë! Lista e kontratave që ka paraqitur Partia Demokratike është një listë që ju duhet ta shihni. Tenderi i fundit është më 29 korrik 2019, ndërkohë që unë jam bërë deputet më 2 gusht 2013. Tenderi i fundit është i 29 korrikut. Më 31 korrik jemi shpallur fitues, më 2 gusht ka lidhur kontratë kompania dhe kjo është kontrata e fundit. Gjithmonë përpara se unë të shpallem deputet.

Tare: Që është shpallja nga KQZ-ja?

Kokëdhima: Që është shpallja nga KQZ-ja. Edhe në gjykimet e mëparshme të Gjykatës Kushtetuese në rastin e Beqajt, ka përcaktuar qartësisht se detyrimet e një deputeti për të shmangur pjesëmarrjen në gara publike dhe lidhjen e kontratave fillojnë pas datës që ai shpallet deputet nga Komisioni Qendror i Zgjedhjeve. Më thoni ju një rast të vetëm që ka nënshkruar kompania e Kokëdhimës një tendër pas datës 1 gusht..

Tare: Kam një pretendim të opozitës që ju e keni shkelur Kushtetutën mbi 150 herë. Nenin 70 pika 3.

Kokëdhima: Këto kontrata që them unë, të cilat i kam bërë prezent, këto që pretendon Partia Demokratike janë të lidhura nga data 1 janar 2013, deri në datën 2 gusht 2013. Këto janë kontrata 1 vjeçare. Shërbimet e internetit janë 1 vjeçare dhe pagesa është mujore.

Tare: Ka një interpretim juridik?

Kokëdhima: Këta të PD-së thonë se kemi zbuluar ne këtë gjë në fund të vitit 2014, ndërkohë që unë si deputet më 25 korrik të vitit 2013 i kam shkruar letër ILDKP-së, me objekt për gjendjen e konfliktit të interesit dhe i them: unë z.Koço Kokëdhima jam regjistruar në vendin e tretë të listës shumë emërore të Partisë Socialiste në Qarkun e Vlorës. ‘Në zgjedhjet e Kuvendit të Republikës së Shqipërisë të zhvilluar më datë 23, 06, referuar rezultateve paraprake rezulton se kam fituar vendin e deputetit. Në respekt të gjithë kuadrit ligjor përkatës, dhe në veçanësi të ligjit 93/67 për ndalimin e konfliktit të interesave, jam duke marrë masat e duhura ligjore për shmangien e konfliktit të interesit…

Tare: Përgjigja cila ka qenë?

Kokëdhima: Unë zotëroj 50.26% të pronësisë së Abissnet. Kjo shoqëri para kandidimit tim si deputet ka lidhur kontrata me disa institucione publike. Këto kontrata janë me afate të përcaktuara ku çmimi do të paguhet çdo muaj.

Më datë 11 shtator i jam drejtuar Kuvendit të Shqipërisë.

Tare: Besoj i keni bërë publike më parë.

Kokëdhima: Jo nuk i kam bërë. Janë me numra protokolli. Kam marrë përgjigje nga Parlamenti, kryetari zt.Ilir Meta. Referoju ligjit, por organ kompetent është ILKDP-ja.

Tare: E cila ju dha një përgjigje që të shkonit në Parlament.

Kokëdhima: Ligji është i qartë, ndalohet lidhja e kontratave. Asgjë tjetër! Ne nuk kemi lidhur asnjë kontratë që kurse jam bërë deputet.

Tare: A lejohet të kesh një kompani kur je deputet?

Kokëdhima: Sigurisht lejohet çdo pasuri. Ky është ligji. Ke pengesë që lidhësh kontrata me institucionet publike. Për çfarë është përgjegjës Kokëdhima për një gjë që nuk ka bërë.. është përgjegjës që nuk ka bërë asnjë marrëveshje? Këto janë të gjitha sulme politike të Saliut dhe të vetëve. Nuk kanë lidhje me punën time.