Kolosi i arkitekturës botërore dhe skulptori shqiptar në zyrën e Ramës, kryeministri: Rrallë qëllon të jesh me aq fat

Kryeministri Edi Rama ka pritur në zyrën e tij kolosin e arkitekturës botërore, Kengo Kuma. Kreu i qeverisë publikoi foto nga takimi me Kuman, ndërsa informoi se ai do të realizojë veprën e tij të parë në Shqipëri.

“Rrallë qëllon të jesh me aq fat sa brenda 24 orëve të takosh dy maestro të kalibrit të lartë, si kolosi i arkitekturës botërore, Kengo Kuma, i cili do të realizojë veprën e tij të parë në Shqipëri”, u shpreh Rama.

Gjithashtu Rama zhvilloi një takim edhe me skulptorin shqiptar, Helidon Xhixha. “I madhi Helidon Xhixha, të cilit nuk i ndahet shpirti nga Shqipëria, ku kaloi disa ditë pas ekspozitës mbresëlënëse të skulpturave të tij në Palazzo Reale, Milano”, tha Rama.