Komiteti i Ekspertëve merr vendimin: Fluturimet me Britaninë, të pezulluara deri më 1 shkurt

Komiteti Teknik i Ekspertëve ka vendosur të mos hapë fluturimet me Britaninë e Madhe.

Lajmin e dha ministrja e Shëndetësisë, Ogerta Manastirliu, e cila theksoi se fluturimet me Britaninë do të jenë të pezulluara deri më 1 shkurt, për shkak të përhapjes së koronavirusit të ri në këtë vend.

“Fluturimet me Britaninë e Madhe do të mbeten të pezulluara deri më 1 shkurt. Më pas do të kemi një rivlerësim mbi këtë vendim”, tha Manastirliu.