Konferenca e Donatorëve/ Komisionari për zgjerim në BE: Solidaritet i fortë pas tërmetit

Komisionari për zgjerim në Bashkimi Europian, Oliver Varhelyi, përmes një statusi në ”Twitter”, thekson se ka takuar mëngjesin e sotëm kryeministrin e Shqipërisë, Edi Rama.

”Diskutim që herët në mëngjes me kryeministrin e Shqipërisë, Edi Rama dhe ministrat e jashtëm të BE-së, organizuar nga Luigi Di Maio. Diskutime të frytshme për progresin e reformave dhe solidaritet i fortë me Shqipërinë pas tërmetit të nëntorit, në pritje të konferencës së sotme të donatorëve”.

BE-ja do të organizojë sot një konferencë të donatorëve ndërkombëtarë në Bruksel për të mbështetur përpjekjet e rindërtimit në Shqipëri pas tërmetit që goditi vendin në fund të nëntorit. Konferenca është organizuar nga Presidentja e Komisionit Europian, Ursula von der Leyen, e cila u ka bërë thirrje të gjitha vendeve që të ndihmojnë Shqipërinë.