Konstituimi i Këshillave Bashkiakë, Peleshi: Gjithçka do mbyllet brenda 30 korrikut

Procesi i konstituimit të Këshillave Bashkiakë të dalë nga zgjedhjet e 21 qershorit do të mbyllet më 30 korrik. Kështu ka deklaruar zv/kryeministri, Niko Peleshi në një dalje publike nga qyteti i Ersekës. Sipas tij gjithçka do të mbyllet në fund të muajit dhe vonesa në këtë process do të ketë vetëm për ato bashki ku ka ankimime”. Ndërsa për Bashkinë e Tiranës, zv.kryeministri deklaroi se konstituimi do të bëhet shumë shpejt, por pa dhënë një datë fikse. Deri më tani janë konstituuar Këshillat Bashiak të Matit, Mallakastrës, Kavajës, Elbasanit, Kukës, Berat, Fier, Patos. Ndërkohë në Pukë është bllokuar zgjedhja e kryetarit të këshillit bashkiak pasi ka pasur një përleshje PS- LSIpër pushtetin lokal.