Koronavirus/Administrata amerikane do fillojë shpërndarjen e dollarëve në dorë për çdo familje

Administrata e Presidentit Trump ka vendosur që të dërgohen para në dorë direkt tek amerikanët për të mos pasur rrënim ekonomik prej koronavirus. Shtëpia e Bardhë deklaroi se do të ndihmojë sa më tepër amerikanët, në një kohë që rastet me koronavirus në vend sa vijnë dhe shtohen.
Sekretari i Thesarit Steven Mnuchin tha se administrata Trump ka vendosur dërgimin e parave cash për amerikanët gjatë dy javëve të ardhshme për të mos pasur pandemi ekonomike të rënduar në vend. “Presidenti më ka udhëzuar se ne duhat ta bëjmë këtë gjë tani”, tha ai në një konferencë. Ndërkohë debati mbetet nëse duhet dërguar rreth 4500 dollarë apo me shumë për çdo familje në Shtetet e Bashkuara këtë vit, si pjesë e një programi të qëndrueshëm të qeverisë për të mbështetur të ardhurat për të ndaluar ngadalësimin ekonomik nga koronavirusi.