Kosova pjesë e Serbisë në hartë, Rama: Spanja ashtu e ka, s’i erdhi gjë e keqe kombit nga dalja 1 minutë e saj

Kryeministri Edi Rama ka sqaruar lajmin që doli nga konferenca e djeshme me ministret ku në hartën e paraqitur, shihej Kosova pjesë e Serbisë, dhe jo një vend i pavarur. Rama thotë se duke qenë se Spanja nuk e njeh Kosovën, ashtu e ka hartën e rajonit. Kreu i qeverisë pohon edhe se e keqja kombit tonë i vjen bash nga ata që merren tërë ditën me kësi luftrash pa lidhje mes shqiptarësh.

”Kinse patriotët kanë gjetur punë sot duke u marrë me një hartë të prezantimit të presidentit të gjigandit spanjoll Melia Group në konventën e turizmit, ku mungonte Kosova!

Dihet që Spanja ashtu e ka hartën e rajonit po asgjë e keqe s’i erdhi kombit nga dalja 1 minutë e asaj harte! Shqipëria s’është Irani ku të ftuarve në konferenca ndërkombëtare u kontrollohen prezantimet dhe as konventa s’ishte sheshbeteja diplomatike për njohjen e Kosovës nga Spanja!

E keqja kombit tonë i vjen bash nga ata që merren tërë ditën me kësi luftrash pa lidhje mes shqiptarësh”.

Kinse patriotët kanë gjetur punë sot duke u marrë me një hartë të prezantimit të presidentit të gjigandit spanjoll Melia Group në konventën e turizmit, ku mungonte Kosova!Dihet që Spanja ashtu e ka hartën e rajonit po asgjë e keqe s’i erdhi kombit nga dalja 1 minutë e asaj harte!

— Edi Rama (@ediramaal) April 5, 2023