“Kosova u vetëpërjashtua”, deputeti i hakërrehet Ramës: Pse kjo thikë pas shpine?

Pasi kryeministri i vendit Edi Rama deklaroi sot se Kosova është vetëpërjashtuar dhe vetëizoluar, duke mos marrë pjesë në samitin e Ohrit, ka reaguar deputeti i LDK-së, Haxhi Avdyli. Në një postim në rrjetet sociale ai ka shkruar se pritej bashkim të shqiptarëve në Europë, e asnjëherë bashkimi i Shqipërisë me Serbinë kundër Kosovës.

Më tej ai shkruan se Rama u ka ngulur thikën pas shpine shqiptarëve të Kosovës dhe se këtë që bëri ai, as Enver Hoxha nuk e ka bërë. Gjithashtu deputeti shprehet se sot Rama u dorëzua tek Vuçiçi, duke u bërë vegël e tij.

Postimi i plotë:

Enveri e harroi Kosovën, por nuk e shiti Shqipërinë te Tito, kurse sot Rama po dorëzohet te Vuçiçi, duke u bërë vegël e tij, duke shkelur edhe mbi vullnetin e pjesës saj të amputuar siç është Kosova. Pse kjo ngutje e Ramës, pse kjo thikë pas shpinës, tani kur Kosova është në vakuum institucional.”