U bë famshme nga videot në Tik-Tok, KPK shkarkon nga detyra gjyqtaren Enkelejda Kapedani

Komisioni i Pavarur i Kualifikimit shkarkon nga detyra Enkeleda Kapedanin, gjyqtaren e Elbasanit që u bë e famshme nga videot në “Tik Tok”. Vendimi u dha ditën e sotme.

Enkeleda Kapedani pushtoi rrjetet sociale, pas publikimit të disa videove që ajo hidhte në Tik Tok, ndërsa sfilonte në zyrën e saj.

Gjyqtarja asokohe pranoi shkeljen disiplinore dhe shprehu pendesë për veprimet e saj brenda institucionit të gjykatës, ndërkohë ILD vendosi ta pezullojë nga detyra për 6 muaj, dhe Kapedani do të merrte një pagë minimale.