KQZ certifikon 6 marsin, shpërndahen edhe mandatet. PS 5 bashki, Foltorja 1 bashki

Komisioni Rregullator pranë KQZ, ka certifikuar këtë mbrëmje rezultatin përfundimtar për zgjedhjet e pjesshme të 6 marsit, jku Partia Socialiste mori fitoren në 5 bashki, dhe koalicioni ”Shtëpia e Lirisë” fitoi Shkodrën, kurse PD doli forcë e tretë me një humbje drastike.

Në një mbledhje blic që zgjati vetëm 7 minuta, dhënia e mandateve për gjashtë kryetarët e rinj nuk hasi në kundërshti.

Bardh Spahia nga koalicioni ”Shtëpia e Lirisë” në Shkodër, dhe nga PS-ja janë 5 kryetarë si Emiriana Sako në Durrës, Eriselda Sefa në Lushnje, Rahim Spahiu në Dibër, Blerim Shera në Vorë dhe Edison Memolla në Rrogozhinë mund të futen në zyrën e kryetarit të bashkisë për të ushtruar mandatin deri në zgjedhjet vendore të 2023.