KQZ-ja miraton rezultatin final të 14 Majit, opozita voton kundër. PS fitoi 53 bashki

Komisioni Rregullator në Komisonin Qendror të Zgjedhjeve miratoi këtë të hënë me 3 vota pro dhe 1 kundër rezultatin e zgjedhjeve lokale të 14 Majit 2023.

Kundër votoi Muharrem Caka, anëtar i propozuar nga opozita. Partia Socialiste mori 53 bashki, koalicioni “Bashkë Fitojmë” mori 7 bashki dhe 1 bashki e mori minoriteti grek.

Certifikimin e zgjedhjeve KQZ-ja e vulosi pasi përfundoi i gjithë procesi i ankimimeve që bëri opozita me pretendimin se zgjedhjet u vodhën duke kërkuar përsëritjen e votimeve në disa bashki të vendit si Elbasan, Kuçovë, Belsh, Kamëz e Rrogozhinë. Veç në këtë të fundit u vendos përsëritja e zgjedhjeve 2 javë më parë, ku PS ruajti fitoren dhe thelloi rezultatin me më shumë se 1700 vota.